他說：你欠我一餐茶

時間：2006年5月4日 (慶祝五四運動乎？) 7時許
地點：茶果嶺道前四山公立學校校址，新域劇團團址
人物： 潘記 [潘]，劇友BS，劇友LW，乜都睇 [乜]，其他觀眾男女數人，編劇Connie，新域職員J，演員A，B 二人

開場時：
新域會址晚上水靜河飛，直到乜都睇與劇友BS 及 LW 在晚上7時20分左右到達，才有點生氣。跟著其他觀眾男女數人，編劇Connie，演員A等人也於7時30分左右到達。眾人聚集在地下排練室外等候。

7時30分左右，潘記施施然於樓上下來 (他辦公室在二樓)。

潘：嘩，今日咁多人。
J ：係啊。
潘：人齊了嘛？
J ：仲未，演員B 仲未到呢。
潘 ：咁我地等多一陣吧。
潘看到乜和 BS，點頭，他卻未見過 LW。

潘 ：喂，你地咁捧場牙...
乜 和 BS ：係呀，都好耐無黎過喇，探下你嘛....
潘 ：咁，手信呢...
乜 和 BS (你眼望我眼，然後乜遞出雙手)：兩梳蕉，收唔收貨....
潘 : 帶兩梳蕉黎就算？.....(對 LW) 未見過你？
LW ：係呀，係第一次黎呢度。
潘 ：咁你洗唔洗周圍參觀下？
乜 (忙不迭說，免得潘繼續要手信)：好呀....我帶你上去睇睇我地個陣時整個 D 書丫....

乜，LW，BS 上二樓去，參觀了那「一眼睇晒」的藏書。然後又回到地下和眾人一起。但演員B還未到。眾人沒有交談，氣氛開始有點尷尬。
潘：呀，不如我介紹下Ｄ 地方比你地知丫。
眾人 ：好呀。
(潘當時正站在排練室門前)
潘 ：拿，呢個係排練室。你地知道呢處以前係學校啦... (眾人答知道)... 咁，拿，個處 (用手隨便指著排練室一個角落)，以前係阿羅家英曾經係個度點點點點.... [乜沒有聽清楚他說甚麼]
眾人：係真唔係真呀？
潘 ：係呀，你地唔知咩，羅家英係茶果嶺道四山公立學校畢業架....
(眾人覺得他在說笑，表現出不相信的神色)

乜 (一邊笑)：潘sir 你又玩我地喇....
潘 (突然很認真地)：拿，輸睹丫，若果羅家英真係係度畢業咁點，輸咩丫...
(其他人已經不敢答口，乜見他半認真的樣子，雖然知道他這般說一定是胸有成竹，心裡仍為帶了兩梳蕉探他而有點歉意，於是陪他打睹)
乜 ：好，我同你睹，睹咩丫....
潘：睹... 一餐茶啦... 拿，輸左，要請我飲茶....
乜 ：好，就咁話啦，你有咩證據丫.... (心裡已經想，能夠請得大編劇飲茶，真是求之不得呢)
潘：好，你地等等我下....

(潘快步上二樓辦公室，再下來時拿著兩本舊校刊在手，是茶果嶺道前四山公立學校的校刊)

潘：好，你睇下....(揭至其中一頁) ....拿，你自己睇睇喇....
果然，校刊內寫著：1980年，校友羅家英致詞....(見圖)
潘：拿，係唔係，你輸左喇....
乜：係播......一人做事一人當，唔關佢地事呢....(擔心其他人會爭著請潘sir飲茶)....我話左請我就請啦，你幾時得閒？一陣間完左呢個活動之後啦，好唔好？我好難得先至過黎播.... (LW 和 BS 望著乜會心微笑) 拿拿拿.....女仔約你，你唔好推呀！(乜跟著奸笑)

潘 (笑笑)：好丫.......(向 LW 和 BS)... 你地都一齊黎？
乜 ：梗係啦....
潘：唔，咁好丫... 一陣睇下完左D時間點啦....
然後差不多人齊，J 安排桌椅搬進排練室。又再等了一段時間，演員B 到，錄影機預備好，編劇 Connie 派發劇本，戲正式開始.....

****************************************************

唉，寫了這麼多字，也只是把正場開始前十五分鐘左右，各人的對話和行動整理出來。可知編劇真的不易做。

我們在做些甚麼？

這晚是「劇場裡的臥虎與藏龍計劃」的公開圍讀。我們聽了兩個新晉編劇未完成的劇本「圍讀」(其中一位是我認識多年的劇友)。圍讀是由演員把劇本朗讀一次，其他人聽過後可給予意見，也讓編劇感受一下劇本演繹出來的效果，再加以改善。當然，作為資深編劇，潘記也給予兩位新晉編劇一些意見。

然後，在七月，參與這個計劃的編劇會有機會公開試演新編的劇本。

這晚大家熱烈討論，完場已經 1030。我當然沒有和潘記吃茶去。 「你欠我一餐茶喇」潘記對我說。哈，我一定記得呢。

【「劇場裡的臥虎與藏龍計劃」公開圍讀 (二 ) 4.5.2006 7.30pm 新域劇團團址 由「PIP快樂共和」、新域劇團、劇場組合及香港藝術中心聯合策劃。 】




相關網誌：http://ilove-theatre.blogspot.com/2006/06/blog-post_17.html